Tat Too Nyaagiit

GENESIS
TAT TOO NYAAGIIT
1:1-5

Tooboo Nyakwaduma kiipmawi nyiinagwutno
kwutii. Kiipma kwo liidii.
Nyakwadumana kait gu takubaliidii.
Kulun walaka liidii. Liidii maa
Nyakwaduma wadii. Kebakoo alii wadii
malakalaka liidii. Nyakwaduma
kebaliikoo vak viidii. Viilaka wadii.
Apma vatnoo wadii. Nyakwaduma kebakoo t
sii kwidii. Noodinyoo wadii. Kulugoot
sii kwidii. Gan wadii. Jiivwa kootoo
v/oo noodinyoo kwutii.

1.

1:6-8

Nyakwaduma bawkoot wokke wadii. Wadii,
guba liikoo wokkedii. Baw wokke yoo
kava nyiinagwut wadii. Jiivwa
viiliiliik woo noodinyoo kwutii.
1:9-13

Nyakwaduma gukoot wadii. Kootoo kavaba
alii wadii. Wadii, gu kootoo kavaba
yoodii maa niibun tiidii. Taaba gadi
dakoot avla watna dakoot Nyakwaduma
waak wadii, waatiikoodii. Waatii,
siipa liikoo diipa liikoo da waatiidii.
Kootoo bagii miina watiidii. Jiivwa
kuvut woo noodinyoo kwutii.

2.,

1:14-19

Nyakwaduma wadii. Nya book siigwut
nyiinagwupa alii wadii. Wadii,
liikoodi. Nyakoot wadii. Noodinyoo
miina nya siikoo liikiyoomiin wadii.
Bookkoot siigwukkoot wadii. Gan
siiliikiyoogwuk wadii. Nya boot
siigwut nyiinagwupa liikoo siiliigwuk,
kiipma keba liikiyoodii. Nyakwaduma
sabiyaguna book nyakagena book
siimakavakkook nya book siigwut
kwutii. Jiivwa aynoot woo noodinyoo
kwutii.
1:20-23
Nyakwaduma wadii. Guba yetiikoo da

3.

guba alii wadii, liikoodi. Guba
yetiikoo da guba jada, niimasookkwoot
yiidi. Kootoo bagii jadii. Nyakwaduma
waavi kwutii. Waavi kwutii, boodii
piigwukoo niimasookkwoot yiidi. Kootoo
bagii miina piigwudi. Jiivwa tabanat
woo noodinyoo kwutii .
1:24-25

Nyakwaduma wadii. Kiipmaba yetiikoo da
kiipmaba alii wadii, liikoodi.
Nyakwaduma kooboyawi yaapa yetiiliikoo
dawi aywaa kwutii. Nyakwaduma kwutna da
niimasookkwoot yiidi. Kootoo bagii
miina yiidi .

4. ,

1:29-30; 2:9a

Taaba gadi da a via watna da jada vat

tiikoo dakoot wadii . Gwula kiikiida

kiigiyoon waa wadii.

1:26-2:24

Nyakwaduma dunyagu kupma kwutii.

Nyakwaduma kabudu kiipmaba kwutii.

Kabudu kwutaa daamaba mwuk viiliitii.

Mwuk viiliitii, kabudu yuvut yiidii.

Yuvut yilaa dua tiidii. Nyakwaduma

diina sii wadii. Miin Atan miin

wadii. Nyakwaduma Atagoot kiipmaba

kwuta abukavaba taakoodii, liidii.

Woon kava aviisoot gwayba liidii.

5.

Woon kavana sii Yiten. Yiten niidiiba

mi viiliiliik tiikoobiit. Noot mi jana

vat tiikoo mi. Diina siik kiijeyan ana

kiyakiyoodi. Noot mi maawut siikoo

liikoo mi. Nyakwaduma Atagoot wadii.

Woon kavana mi viikoo liikiyoomiin

wadii. Mi siik aywaa kiikiyoomiin.

Maawut siikoo liikoo mi siik miina ana

kiikiyoomiin wadii. Kiimeyan apma

liikoo vakkoot yelaviikkoo kavle

liikoo vakkoot yelaviikkoo liikiyoomiin

waa wadii. Woo mina siik kiimeyan

kiyakiyoomiin. Nyakwaduma kwuta

kiipmaba yetiikoo dakoot guba ye tiikoo

dakoot Atan sii wadii. Wadii maa

6.

Nyakwaduma wadii. Atan kwo liikoodii.
Taakwa lapman ana glaatii taakwa lapman
tiidan. Diigoot taakwa kwukkiyowun
waa wadii. Diina look kwakoo diina
taakwa tiikiyoolii. Nyakwaduma Atagoot
siidu akwa wadii maa siidu kwadii.
Kwaliidii maa biiliilaa lakukoo
malava ava kootoo kladii. Klalaa
bagii kwunatii . Nyakwaduma avaba
taakwa kwutii. Atan siidu kwadii.
Nyakwaduma siiviiludii, laatii.
Diigoot taakwa kwutaa kwidii. Kwidii,
wadii. Nyiinawi wunawi kapma da ana
11. Kootoo da li waa wadii Atan.

7.

Nyiingoot wuna malava avaba kwutii.
Nyiigoot taakwa wakiyowun waa wadii.
Woo taakwa kladii vapa niinawi nyaek
nyiime kwakalalaa klaliikooniin.
Nyan jagoo liikiyoobiit waa wadii.
Duo taakwao siip miina kiitnya miina
liibiit. Biila bagii wuk ana yiidii.
Diinai kwutna da viilaa wadii. Apma
da kwukwa waa wadii. Jiivwa
siilookiita woo noodinyoo kwutii.
Noodinyoo siilookiita jiivwa
kwutnyookidii. Siilaviili woo
noodinyoo kwo liidii. Siilaviili woo

8.

noodinyookoot wadii. Kapma noodinyoo
wadii .
3:1-7

Madiip madiip waliikoo koobooy yoolaa
taakwakoot wakaladii. Nyakwaduma mi
siik ana kiikiyoobiit wadii? waa
wakaladii. Wadii, awa walii. Abukava
niidiiba liikoo mi siik miina ana
kiikiyoobiit agoot wadii waa walii.
Siinyiipeyan kiyakiyoobiit waa wadii
waa walii. Woo maawut siikoo liikoo
mi siik kiinyeyan nan ana kiyakiyoonyiin
koobooy wadii. Kiinyeyan nan apma
liikoo vakkoot yelaviikkoo kavle
liikoo vakkoot yelaviikkoo

9.

liikiyoonyiin. Ana kiyakiyoonyiin
waa wadii koobooy. Kiinyeyan nan
Nyakwaduma liikoo voo liikiyoonyiin
waa wadii. Nyakwaduma liikoo voo
liibagoot kai walaa kekiikoo biikkoot
wadii waa wadii. Wadii maa mi siik
viilaa kiivak walaa klalaa kiilii.
Kiilaa kwilii lagoot. Lan kiidii.
Kiilaa maawut siikkoo liibiit. Kiilaa
slip miina kiitnya miina liiba vakkoot
biila bagii wuk yiidii, liibiit. Mi
googa siipwi viyesiivat tavaliibiit.
3:8-21

Glaabu Nyakwaduma abukava yetiidii.
Diinai yaa vak wutaa mi agwaba

10,

pokwulaa liibiit. Adaba liikoobiit
wadii Nyakwaduma. Atan wadii. Miinai
yaa vat wutaa siip miina liiwagoot
vaakkoo pokwulaliiwun waa wadii.
Koodoo wadii maa wuk yikoo liimiin.
Kiibagoot kai wawa mi siik kiimiin?
waa wadii Nyakwaduma. Miinai kwiya
taakwa mi siik wugoot kwilii maa
kiiwun Atan wadii. Taakwa walii.
Kooboy madiip madiip wadii maa kiiwun
waa walii . Nyakwaduma kooboykoot
wadii. Madiip madiip woomiin maa miina
kwodukoot kai wowun. Yaapa
yetiikiyoomiin. Miina kava kiipma

12.

liikiyoodii. Miina nyan taakwana nyan
kao liikiyoobiit. Taakwana nyan miina
nabu veikiyoodii . Miin liila nyana
kadaman valiikiyoomiin waa wadii
Nyakwaduma. Nyakwaduma taakwakoot
wadii. Niima wayn kwukkiyoonyiin.
Nyiina Ian nyiigoot viikoo liikiyoodii,
Nyakwaduma Atagoot wadii . Miina
abukava kavle da waakkiyoodii . Niima
jiivwaba kwukkoo kiikoo yetiikiyoomiin
waa wadii. Tiikoo liikoo giini
kiyakiyoomiin waa wadii. Miigoot
kiipmaba kwutwun. Kiyameyan kiipma
kiikiyoodii waa wadii. Nyakwaduma

13.

siibiiba waavwi kwutaa biikkoot kwidii,
kwusobiit. Atan taakwakoot sii kwidii.
Yivi nyiin wadii. Dunyaguna nyiimeok
nyiin waa wadii.
3:22-24

Atanawi Yivio apma liikoo vakkoot
yelaviikkoo kavle liikoo vakkoot
yelaviikkoo liibiit. Abukavaba liikoo
mi kootoo diina siik dunyagu kiijeyan
ana kiyakiyoodi . Woo mi siik
kiivakkook kai walaa biikkoot
saviiludii Nyakwaduma. Woo mikoot
viikoo liikoo nyan viiliiliik
Nyakwaduma taakoodii . Ya voo liikoo
yaak kootoo kootoo kwutaa yaa

14.

niibookoot saviiluvat kwutaa liibiit.

Atan avla abukava jiivwa kwukkoo kiikoo

yetiidii.

4:1-16

Atan nyan jaba viili taakoodii maa

Yivi nodanyan jaba viili kwutii. Wubiit

nyana sii Keniawi Avelo. Keni duwi

nyan. Abukava jiivwa kwutii. Avel

aviisoot nyan. Mata soomootookoot

viikoo yetiidii. Keni diina taaba

gadi do Nyakwadumakoot kwidii . Avel

diinai viikoo yetii da Nyakwadumakoot

kwidii. Avel Nyakwadumakoot kwila

dakoot ana nolin gwadiidii. Gikoot

tiikoo Keni woleavat yiidii.

No part of the text may be
reproduced without the written
permission of the Summer Institute
of Linguistics.

15.